23 x 11 സെ. മീ.

23 x 11 സെ. മീ.

തൊഴിലന്വേഷകരെല്ലാം

സ്വന്തം മേലവിലാസം

ഉള്ളടക്കം ചെയ്യുന്നുണ്ട്

അതിനും മുൻപേ അവർ

പൂച്ചയെ നാടുകടത്തുന്നുമുണ്ട്

“എങ്ങോട്ടാ ഈ നേരത്ത്?”

“ഇതാ ഇവിടെ വരെ”

റെയിൽ‌പ്പാളങ്ങൾക്കും

കൈതക്കാടുകൾക്കുമപ്പുറം

പുച്ചയെ വിജനതയുടെ കൈയിൽ

ഏൽ‌പ്പിക്കുന്നുണ്ട്

നിലാവ് അതിനെ നക്കുന്നുണ്ട്

ഉള്ളടക്കത്തിനായ്

ഉള്ളുരുകി

ഇലനുള്ളി തിരിനുള്ളി

ഇളവെയിലായ്

പറമ്പിലുലാത്തുന്നുണ്ട്

ഒടുവിൽ

സ്വയം നാടുകടത്തുന്ന

ഒരു വിചിത്രമൃഗം

ഞങ്ങളുടെ ഗ്രാമത്തിൽ ജനിക്കുന്നുണ്ട്